შოტლანდიელმა ძმებმა ჯეიმი, ევან და ლაჰლან მაკლეინებმა წყნარი ოკეანე ნიჩბებით 139 დღეში გადაცურეს და ახალი მსოფლიო რეკორდი დაამყარეს. მათ 14 848-კილომეტრიანი მანძილი შეუჩერებლად გაიარეს.
ძმებმა სტარტი პერუში აიღეს და 139 დღეში, 5 საათსა და 52 წუთში ავსტრალიაში მიაღწიეს. მათ თან ჰქონდათ 500 კილოგრამი სუბლიმირებული საკვებში, 75 კილოგრამი შვრია და ანკესი გაუთვალისწინებელი შემთხვევებისთვის. მათ ეკრძალებოდათ კუნძულებზე გადასვლა და შემხვედრი გემებისგან დახმარების მიღება.
გზაში მათ არაერთი სირთულის გადალახვა მოუწიათ. ერთ-ერთ ტროპიკული შტორმის დროს ლაჰლანი წყალში აღმოჩნდა, თუმცა ძმებმა მისი გადარჩენა მოახერხეს.
„ჩვენი სუპერძალა იმაშია, რომ ძმები ვართ. შეგვიძლია ერთმანეთთან გულახდილები ვიყოთ. საერთო ისტორია გვაქვს - ეს გვეხმარება იმაში, რომ არ ვიჩხუბოთ“, - განაცხადა ლაჰლანმა.
თავგადასავლის დასრულების შემდეგ ძმებმა თქვეს, რომ ახლა ყველაძე ძალიან პიცა და გამოძინება უნდათ. თავიანთი მოგზაურობით მათ მადაგასკარის მცხოვრებლების წყლით უზრუნველყოფის პროექტებისთვის 945 ათასი დოლარი შეაგროვეს.
