მაშინ, როდესაც, ვარაუდების საფუძველზე, ბრიტანეთის მთავრობა ქართველ მოსამართლეებს ასანქცირებს, კორუფციის დადასტურებული დანაშაულისთვის მსჯავრდებული და ძებნილი დავით კეზერაშვილი თავისუფლად გადაადგილდება ლონდონში, - წერს საქართველოს პარლამენტის თავმჯდომარე შალვა პაპუაშვილი სოციალურ ქსელში.
როგორც ის აღნიშნავს, ბრიტანეთის ლეიბორისტული პარტიის მთავრობა ვარაუდების საფუძველზე ასანქცირებს ქართველ მოსამართლეებს.
,,მაშინ, როდესაც, საკუთარი აღიარებითვე, მხოლოდ ეჭვების და ვარაუდების საფუძველზე, ბრიტანეთის ლეიბორისტული პარტიის მთავრობა ქართველ მოსამართლეებს ასანქცირებს, კორუფციის დადასტურებული დანაშაულისთვის მსჯავრდებული და ამჟამად ძებნილი დავით კეზერაშვილი თავისუფლად გადაადგილდება ლონდონში“, - წერს პაპუაშვილი.
