უნგრეთის მმართველმა პარტიამ, „ფიდესმა“ პარლამენტში ლგბტ მარშის აკრძალვის შესახებ კანონპროექტი შეიტანა. ინფორმაციას Reuters-ი ავრცელებს.
კანონპროექტის თანახმად, პირები, რომლებიც მარშს მოაწყობენ, დაჯარიმდებიან. როგორც ინიციატივაშია აღნიშნული, ლგბტ მარშების აკრძალვის ძირითადი მიზეზი იმაში მდგომარეობს, რომ პრაიდი ცუდად მოქმედებს ბავშვებზე.
„წარმოდგენილი კანონპროექტის თანახმად, ცვლილებები შედის კანონში, რომელიც არეგულირებს შეკრების უფლებას, და კრძალავს ისეთი შეკრების ჩატარებას, რომელიც არღვევს ბავშვთა დაცვის შესახებ კანონში არსებულ აკრძალვას“, - წერია კანონპროექტის განმარტებით ბარათში.
კანონპროექტი, აგრეთვე უფლებას აძლევს პოლიციას გამოიყენოს სახის ამომცნობი კამერები, რათა მარშში მონაწილეების იდენტიფიცირება მოახდინოს.
