მქონდა პატივი,  სომხეთის რესპუბლიკის პრემიერ-მინისტრ  ნიკოლ ფაშინიანთან  თანათავმჯდომარეობის რეჟიმში მეხელმძღვანელა  სომხეთ-საქართველოს მთავრობათაშორისი  ეკონომიკური კომისიის მე-14 სხდომისთვის, - ამის შესახებ საქართველოს პრემიერ-მინისტრი ირაკლი კობახიძე სოციალურ ქსელ X-ზე წერს.

პრემიერი აღნიშნავს, რომ სხდომაზე ყურადღება დაეთმო ქვეყნებს შორის არსებული  ორმხრივი სავაჭრო და ეკონომიკური ურთიერთობის მნიშვნელობას.

„განხილვისას აქცენტი გაკეთდა  ჩვენს ქვეყნებს შორის არსებული  ორმხრივი სავაჭრო და ეკონომიკური ურთიერთობის მნიშვნელობაზე, რომლის დადებითი ტენდენციაც გვახარებს ამ ბოლო წლებში.  არსებული პლატფორმა უზრუნველყოფს ღირებული შესაძლებლობების შექმნას ჩვენი თანამშრომლობის გასაძლიერებლად, არსებული თანამშრომლობის ფორმატების გასაუმჯობესებლად და ახალი შესაძლებლობების გამოსავლენად. ძლიერი საფუძვლითა და მნიშვნელოვანი პოტენციალით, ვიღწვით  ჩვენი ქვეყნებისა და ხალხების სასარგებლოდ პარტნიორობის განვითარებისკენ,"- წერს პრემიერ-მინისტრი.

https://x.com/PM_Kobakhidze/status/1884953120779719103?t=4qQia2J1OZUmM7kR7FVqsg&s=08