ესპანეთის ქალაქ სარაგოსასთან მდებარე მოხუცებულთა თავშესაფარში გაჩენილი ხანძრის შედეგად 10 ადამიანი დაიღუპა. ინფორმაციას BBC ავრცელებს.
ხანძრის შედეგად რამდენიმე ადამიანმა სხვადასხვა სახის დამწვრობა მიიღო. ხანძრის გაჩენის მომენტისთვის მოხუცებულთა თავშესაფარში 82 ადამიანი იმყოფებოდა.
ადგილობრივი ხელისუფლების განცხადებით, ცეცხლი, სავარაუდოდ, ერთ-ერთ ოთახში მდებარე საწოლში გაჩნდა და მერე მთელ თავშესაფარზე გავრცელდა.
ადამიანების დიდი ნაწილი მომწამვლელი აირით გაიგუდა. მომხდარს გამოეხმაურა ესპანეთის პრემიერ-მინისტრი პედრო სანჩესი, რომელმაც ხანძარს ტრაგედია უწოდა და მწუხარება გამოთქვა გარდაცვლილთა გამო.
მოხუცებულთა თავშესაფარი სარაგოსასთან ახლოს 16 წლის წინ გაიხსნა. იქ ძირითადად დემენციისა და მენტალური პრობლემების მქონე ადამიანები ცხოვრობდნენ.
