სამეფო კარის თამაშების თაყვანისმცემლებმა აუქციონი გამართეს, სადაც წარმოდგენილი იყო ასობით კოსტიუმი და სხვადასხვა ნივთი, რომელთა საერთო ჯამურმა ღირებულებამ, $21 მილიონზე მეტი შეადგინა.

ხუთშაბათიდან შაბათის ჩათვლით, დალასში Heritage Auctions-ის ღონისძიებაზე წარმოდგენილი იყო 900-ზე მეტი ნივთი, მათ შორის ჯავშანტექნიკა, ხმლები, იარაღი და სამკაულები HBO-ს სერიებიდან.

ყველაზე ძვირადღირებული ნივთი იყო სწორედ ის, რისთვისაც სერიალის გმირები რვა სეზონის განმავლობაში იბრძოდნენ: რკინის ტახტი. ექვსწუთიანი სატენდერო ომის შემდეგ, ტახტი $1,49 მილიონად გაიყიდა.

ტახტის რეპლიკა პლასტმასისგან დამზადდა და სერიალში წარმოდგენილი ტახტის იდენტურ ვერსიას წარმოადგენდა, რომელიც სხვადასხვა დეკორაციით გაფორმდა. სერიალში რკინის ტახტი ძალაუფლებისთვის ბრძოლის სიმბოლოდ იქცა.

Heritage Auctions-ის კვირას გავრცელებულ განცხადებაში ნათქვამია, რომ ღონისძიებამ მოიტანა $21.1 მილიონი და მასში 4500-ზე მეტი ადამიანი მონაწილეობდა.

"ეს არის არაჩვეულებრივი საგანძური, რომელიც შექმნილია ემის გამარჯვებული კოსტიუმების დიზაინერების მიერ, რომლებიც დაუღალავად მუშაობდნენ ჯორჯ მარტინის მშვენიერი რომანების ადაპტაციაზე, ხალხს სურდა სამეფო კარის თამაშების მაგიის ნაწილი გამხდარიყო", — განაცხადა Heritage-ის აღმასრულებელმა ვიცე-პრეზიდენტმა, ჯო მადალენამ.

რაც შეეხება სხვა ნივთებს, აღნიშნულ აუქციონზე, ჯონ სნოუს ხმალი $400 000 გაიყიდა. ნივთების საწყისი ფასი დაახლოებით $500-დან $20,000-მდე მერყეობდა. რამდენიმე ნივთი ათასობით დოლარზე მეტი ღირდა, მაგალითად მოსასხამები და კაბები.