იაპონიის პარლამენტმა მთავრობის მეთაურის პოსტზე მხარი ქვეყნის მმართველი ლიბერალ-დემოკრატიული პარტიის კანდიდატს, სიგერუ ისიბას დაუჭირა.
მას შემდეგ, რაც ისიბას კანდიდაუტრას იმპერატორი ნარუჰიტო დაუჭერს მხარს, ის ქვეყნის ისტორიაში 102-ე პრემიერ-მინისტრი გახდება.
Reuters-ი წერს, რომ მანამდე ისიბა ოთხჯერ დამარცხდა პარტიის თავმჯდომარის და, შესაბამისად, პრემიერ-მინისტრის თანამდებობისთვის ბრძოლაში. როდესაც მან წელს თავისი კანდიდატურა მეხუთედ წარადგინა, აღნიშნა, რომ ეს მისი ბოლო მცდელობა იქნებოდა.
67 წლის ისიბა იკავებდა იაპონიის თავდაცვისა და სოფლის მეურნეობის მინისტრის თანამდებობებს.
