საქართველოში აშშ-ის საელჩოს განცხადებით, სახელმწიფო მდივნის ბლინკენის მიერ გამოცხადებულმა დახმარების შეჩერებამ საქართველოს სასაზღვრო-გამშვებ პუნქტებზე რენტგენოსკანერის მიწოდების პროცესზეც იმოქმედა.
როგორც საელჩოში აცხადებენ, აღნიშნული დახმარება შეჩერდა მთავრობის ცრუ ნარატივებისა და ანტიდემოკრატიული ქმედებების საპასუხოდ.
„საქართველოს მთავრობის ცრუ ნარატივებისა და ანტიდემოკრატიული ქმედებების საპასუხოდ სახელმწიფო მდივნის ბლინკენის მიერ გამოცხადებულმა [დახმარების] შეჩერებამ იმოქმედა საქართველოს სასაზღვრო - გამშვებ პუნქტებზე რენტგენოსკანერის მიწოდების პროცესზე.
აშშ-ის მთავრობა აგრძელებს უშუალოდ საქართველოს მოსახლეობის მხარდამჭერ პროგრამებს, რომლებიც ეხება სტუდენტებს, ბიზნესის წარმომადგენლებს, ფერმერებს, სხვადასხვა ჯგუფებს - მათ შორის სოფლად - სამოქალაქო საზოგადოებას, მარგინალურ ჯგუფებსა და დამოუკიდებელ მედიას“, - ნათქვამია საელჩოს განცხადებაში, რომელიც „ინტერპრესნიუსს“ კითხვის პასუხად გამოუგზავნეს.
