ადამიანი, რომელიც ძნელად იღებს გადაწყვეტილებებს, ცხოვრებაში ბევრს ვერაფერს აღწევს. რისკი კეთილშობილური საქმეა, თანაც, არა მხოლოდ ბიზნესში. მაგრამ, ეს რისკი გონივრული უნდა იყოს.
გადამწყვეტი ნაბიჯის გადადგმის ნუ შეგეშინდებათ, თუნდაც თქვენი გადაწყვეტილება ცოტათი ავანტიურისტული იყოს. თუკი გრძნობთ, რომ თქვენ ეს ბედნიერებას მოგიტანთ, ნუ შეგეშინდებათ, გააკეთოთ ის, რასაც თქვენგან არავინ ელოდება.
გრძნობთ, რომ შეძლებთ ერთმანეთს შეუთავსოთ კარიერა და ოჯახი? მაშინ, რატომღა ყოყმანობთ. შეუდექით საქმეს და ნახავთ, როგორ გაართმევთ თავს. დრო გეყოფათ. შეგიძლიათ, ამაზე არ იღელვოთ.
ყოველდღიურ საოჯახო პრობლემას ერთხელ უნდა სისტემაში მოყვანა და ალღოს აღება, მერე ყველაფერი თავისთვავად აეწყობა. როცა დადგებით არჩევნის წინაშე – სამსახური თუ სახლი, იქით უნდა გადაიხაროთ, საითაც ყველაზე მეტად საჭირო ხართ იმ კონკრეტულ მომენტში. არავინ დაგსჯით სისუსტისთვის და იმისთვის, თუ რამეს ვერ მოასწრებთ. სამაგიეროდ, ძალიან კარგად გაიგებთ საკუთარი შესაძლებლობების ზღვარს – ყველა ადამიანს სჭირდება იმის ცოდნა, სად გადის ეს ზღვარი. მაშინ, იმასაც მიხვდებით, რა არის თქვენი მთავარი დანიშნულება და არჩევანსაც შეუმცდარად გააკეთებთ.
