უფალმა დალოცოს ბიძინა ივანიშვილი, ეს ქველმოქმედზე მეტი ადამიანი! ეს უნიკალური ხელნაწერი დიდი მადლის მატარებელია და მიეთვლება სხვა უდიდეს საგანძურთა სიას, -  ასე ეხმიანება „ხალხის ძალის“ წევრი თამთა მეგრელიშვილი ბიძინა ივანიშვილის მიერ „კრისტის“ აუქციონზე იოანე-ზოსიმეს უნიკალური ხელნაწერის შეძენას.

„ლონდონის „კრისტის“ აუქციონზე დღეს, 11 ივნისს, წარმოდგენილი იყო ქართული ხელნაწერი სინას მთის კოლექციიდან (V-VII საუკუნეები) არამეულ და ქართულ ენებზე. ტექსტის ნაწილი ბერი იოანე ზოსიმეს მიერაა გადაწერილი და მისი ფასი 1, 000 000 – 1, 500 000 გირვანქა სტერლინგი იყო.

„კრისტის“ აუქციონზე იოანე-ზოსიმეს ეს უნიკალური ხელნაწერი ბიძინა ივანიშვილმა შეიძინა და ის მას ეროვნულ მუზეუმს გადასცემს!

ეს საგანძური ქრისტიანული პალესტინის არამეულ ენაზე შექმნილი ერთ-ერთი ყველაზე მნიშვნელოვანი ფრაგმენტია. დასავლურ არამეულ დიალექტს მელქის ქრისტიანული საზოგადოება პალესტინასა და ტრანსიორდანიაში მე-5 -მე-13 საუკუნეებში იყენებდა. ის შემონახულია მხოლოდ რამდენიმე წარწერაში, პალიმფსესტსა (ხელნაწერი, რომლის ფურცლები გადარეცხვის შემდეგ ხელახლა არის გამოყენებული საწერ მასალად) და ხელნაწერში. ხელნაწერი შეიცავს სახარებების ყველაზე ადრეულ ტექსტებს არამეულის უახლოეს დიალექტზე – იესოს დიალექტზე.

უფალმა დალოცოს ბიძინა ივანიშვილი, ეს ქველმოქმედზე მეტი ადამიანი!

ეს უნიკალური ხელნაწერი დიდი მადლის მატარებელია და მიეთვლება

სხვა უდიდეს საგანძურთა სიას“, - წერს მეგრელიშვილი.