საფრანგეთში ტერორიზმის ბრალდებით რუსეთისა და უკრაინის მოქალაქეობის მქონე კაცი დააკავეს. ამის შესახებ BBC წერს.
გამოცემის ინფორმაციით, 26 წლის კაცს ბინა შარლ დე გოლის აეროპორტის სიახლოვეს ჰქონდა ნაქირავები, სადაც ასაფეთქებელი მოწყობილობის შექმნას ცდილობდა, თუმცა თვითნაკეთი ბომბი ოთახში აუფეთქდა და მძიმედ დაშავებული კაცი საავადმყოფოში გადაიყვანეს.
ბინაში პოლიციამ ასაფეთქებელ ნივთიერებები, ცეცხლსასროლი იარაღი, ფული და ყალბი პასპორტები აღმოაჩინა. საქმეს საფრანგეთის ანტიტერორისტული სამსახური და პროკურატურა იძიებენ. ვარაუდობენ, რომ დაკავებული რუსულ სპეცსამსახურებთან თანამშრომლობდა.
