აშშ-ის საპრეზიდენტო არჩევნებზე „რესპუბლიკური პარტიის“ კანდიდატი დონალდ ტრამპი, „დემოკრატიული პარტიის“ კანდიდატი კი ჯო ბაიდენი იქნება.
Associated Press-ის ინფორმაციით, ტრამპმა უკვე მოიპოვა სულ მცირე 1215 დელეგატის მხარდაჭერა. წინა კვირაში კი მისი ბოლო კონკურენტი, ნიკი ჰეილი საპრეზიდენტო კანდიდატობისთვის ბრძოლას გამოეთიშა. ფორმალურად, ტრამპს პრეზიდენტობის კანდიდატად „რესპუბლიკელები“ პარტიის ყრილობაზე მილუოკიში, 15-18 ივლისს წარადგენენ.
რაც შეეხება ბაიდენს, მან ასევე მოიპოვა სულ მცირე 1968 დელეგატის მხარდაჭერა. ფორმალურად, მისი კანდიდატურა აგვისტოში, ჩიკაგოში დაგეგმილ „დემოკრატიული პარტიის“ ყრილობაზე დამტკიცდება.
საპრეზიდენტო არჩევნები აშშ-ში 5 ნოემბერს გაიმართება.
