გერმანიის კანცლერმა, ოლაფ შოლცმა განაცხადა, რომ გერმანია არ არის საკმარისად დიდი, რომ შეავსოს სხვაობა იმ შემთხვევაში, თუ აშშ ვერ მიაწოდებს უკრაინას იარაღს. ინფორმაციას ამის შესახებ სააგენტო Reuters-ი ავრცელებს.
"მე ვფიქრობ, ეს არის ის რეალური საფრთხე, რომლის წინაშეც ამჟამად ვდგავართ", - აღნიშნა გერმანიის კანცლერმა.
6 თებერვალს, ოლაფ შოლცმა განაცხადა, რომ ის ძალიან დარწმუნებულია, რომ შეერთებული შტატები და ევროპა შეძლებენ მხარი დაუჭირონ უკრაინას და გაუგზავნონ მესიჯი რუსეთის პრეზიდენტს.
