დევიდ ბოუის ხელნაწერი აუქციონზე 89 000 ფუნტად გაიყიდა. ამის შესახებ ინფორმაციას BBC ავრცელებს.
ხელნაწერში ბოუის ორი ჰიტის, Rock n Roll Suicide and Suffragette City-ის შექმნის პროცესია დატანილი. ფურცელზე ნათლად ჩანს გარდაცვლილი როკ ვარსკვლავის მიერ ტექსტში შეტანილი ჩასწორებებიც.
ბოუის ხელნაწერები აუქციონზე აქამდეც გაყიდულა. მათმა ფასმა წინაზე 203 500 ფუნტი შეადგინა.
