სააკაშვილის დამსახურებით ძალიან ბევრი მამა ვერ დაუბრუნდა საკუთარ შვილებს, - ამის შესახებ საპარლამენტო უმრავლესობის ლიდერმა, „ქართული ოცნების“ თავმჯდომარემ, ირაკლი კობახიძემ ჟურნალისტებს განუცხადა, რითაც გამოეხმაურა მსჯავრდებული ექსპრეზიდენტის, მიხეილ სააკაშვილის განცხადებას იმის თაობაზე, რომ სალომე ზურაბიშვილს შეუძლია, ერთი ხელის მოწერით დაუბრუნოს მის შვილებს მამა და აღადგინოს პოლიტიკური ბალანსი საქართველოში.
„სააკაშვილის დამსახურებით ძალიან ბევრი მამა ვერ დაუბრუნდა საკუთარ შვილებს, ეს მინდა შევახსენო ექსპრეზიდენტს. არ ვიცი, რა მორალზეა საუბარი, როდესაც საქმე ეხება სააკაშვილს. თუ სალომე ზურაბიშვილს სურს, გახდეს სააკაშვილის ამორალურობის თანაზიარი, შეუძლია მიიღოს ეს გადაწყვეტილება, მე ამაში ღრმად ვერ შევალ“, - აღნიშნა კობახიძემ.
