იაპონიამ ღაზის სექტორისთვის 65 მილიონი დოლარის ოდენობის ჰუმანიტარული დახმარება გამოყო. ამის შესახებ იაპონიის საგარეო საქმეთა მინისტრმა, იოკო კამიკავამ განაცხადა.
მისივე თქმით, იაპონია გააგრძელებს ორი სახელმწიფოს პრინციპზე დაფუძნებით კონფლიქტის გადაწყვეტის მხარდაჭერას.
იაპონიის საგარეო უწყების ცნობით, რეგიონში ვიზიტის ფარგლებში კამიკავა შეხვდა ისრაელის საგარეო საქმეთა მინისტრ ელი კოენს და პალესტინელ კოლეგა რიად ალ-მალიქის. როგორც კამიკავამ ჟურნალისტებს განუცხადა, შეხვედრების დროს მან მოუწოდა ისრაელელ და პალესტინელ კოლეგებს, ღაზის სექტორში ჰუმანიტარული პირობები გააუმჯობესონ.
