უკრაინის შეიარაღებული ძალების საჰაერო ძალებმა ოფიციალურად დაადასტურა ჟიტომირის ოლქში მომხდარი ავიაკატასტროფის დროს მე-40 ტაქტიკური საავიაციო ბრიგადის ცნობილი მფრინავის, ანდრი პილშჩიკოვის და ორი სხვა მფრინავის გარდაცვალება.
ავიაკასტროფა 25 აგვისტოს მოხდა. ჟიტომირის ცაში, საბრძოლო დავალების შესრულებისას, ერთმანეთს ორი L-39 შეეჯახა და სამივე პილოტი გარდაიცვალა.
ანდრი პილშჩიკოვის გარდაცვალების შესახებ ცნობა თავდაპირველად მის მეგობრებმა გაავრცელეს. „შენ ოცნებობდი F 16-ზე და გახდი მომსწრე ამბისა მისი გადმოცემის შესახებ. შენ გიყვარდა შენი ჩიტი და ფაქტიურად ცაში ცხოვრობდი", - დაწერა ფეისბუქში მისმა მეგობარმა პაველ პოცელუევმა.
ანდრი პილშჩიკოვი ცნობილია მეტსახელით „კიევის მოჩვენება". გავრცელებული ინფორმაციით, მან 2022 წლის 24 თებერვალს კიევისთვის ბრძოლაში ექვსი რუსული თვითმფრინავი ჩამოაგდო.
