რუსეთი ორი საუკუნეა ებრძვის საქართველოს დამოუკიდებლობას და ტერიტორიულ მთლიანობას. ეს არის ის ისტორია, რომელსაც ვერც მედვედევი და ვერც სხვები გადაწერენ, - ამის შესახებ "ლელოს" დეპუტატმა, ანა ნაცვლიშვილმა რუსეთის ფედერაციის უშიშროების საბჭოს თავმჯდომარის მოადგილის, დიმიტრი მედვედევის განცხადების კომენტირებისას თქვა.
„სამწუხაროა, რომ საქართველოს და რუსეთის სპიკერების განცხადებები საგანგაშოდ და სამარცხვინოდ ემთხვევა ერთმანეთს“, - აღნიშნა ნაცვლიშვილმა.
დიმიტრი მედვედევმა განაცხადა, რომ აფხაზეთისა და სამხრეთ ოსეთის რუსეთთან შეერთების იდეა შეიძლება განხორციელდეს, თუ დასავლეთი საქართველოში სიტუაციის გამწვავებას გააგრძელებს.
