Reuters: პაპარაცების მხრიდან დევნის გამო, პრინცი ჰარი და მეგან მარკლი კინაღამ ავარიაში მოჰყვნენ

Reuters: პაპარაცების მხრიდან დევნის გამო, პრინცი ჰარი და მეგან მარკლი კინაღამ ავარიაში მოჰყვნენ

პაპარაცების მხრიდან დევნის გამო, პრინცი ჰარი და მეგან მარკლი კინაღამ ავარიაში მოჰყვნენ. ინფორმაციას ამის შესახებ სააგენტო Reuters-ი ავრცელებს.

ინციდენტი მოხდა მას შემდეგ, რაც მათ სამშაბათს ღამით დატოვეს ფონდი ქალებისთვის, სადაც მეგან მარკლი დააჯილდოვეს.

„წუხელ, სასექსის ჰერცოგი და ჰერცოგინია და ქალბატონი რაგლანდი [მეგან მარკლის დედა] ავტომობილით თითქმის კატასტროფული დევნის სამიზნე გახდნენ“, - განაცხადა წყვილის ოფიციალურმა წარმომადგენელმა.

„ეს დევნა, რომელიც ორ საათზე მეტ ხანს გაგრძელდა, მოიცავდა რამდენიმე შეჯახებას, რომელშიც მონაწილეობდნენ სხვა მძღოლები გზაზე, ფეხით მოსიარულეები და ნიუ-იორკის პოლიციის დეპარტამენტის ორი ოფიცერი“, - აღნიშნა მან.

წყვილის ოფიციალურმა წარმომადგენელმა განაცხადა, რომ დევნა შესაძლოა საბედისწერო ყოფილიყო.

„მიუხედავად იმისა, რომ საზოგადო მოღვაწეობას თან ახლავს საზოგადოების ინტერესის დონე, ეს არასდროს უნდა მოხდეს ვინმეს უსაფრთხოების ფასად“, - ხაზგასმით აღნიშნა მან.