საპარლამენტო უმრავლესობის წევრი ირაკლი ზარქუა გამოეხმაურა ეკონომიკური თავისუფლების 2023 წლის ინდექსს, რომელშიც საქართველო 35-ე ადგილს იკავებს.
„ეს არის გადასახადების განაკვეთის დაბალი მოცემულობა, კერძო ბიზნესის მხარდაჭერა, კერძო საკუთრების უფლებების დაცვა, ღიაობა და გამჭვირვალობა ამ პროცესებში - სწორედ ამის შესაბამისად დაიდო დასკვნები, სადაც საქართველო არის ერთ-ერთი მოწინავე ეკონომიკური თავისუფლების ინდექსის მიხედვით“, - აცხადებს ირაკლი ზარქუა.
ეკონომიკური თავისუფლების 2023 წლის ინდექსში საქართველო 35-ე ადგილზეა, რითაც უსწრებს ევროკავშირის 11 წევრ ქვეყანას და ყველა კანდიდატ ქვეყანას.