საპარლამენტო უმრავლესობის წევრის, გია ცაგარეიშვილის თქმით, მიხეილ სააკაშვილის მიზანია იმ დონის თვითდაზიანება მიიყენოს, რომ პატიმრობისგან გათავისუფლდეს.
„მას გადაწყვეტილი აქვს იმ დონის თვითდაზიანება მიიყენოს, რომ როგორმე გათავისუფლდეს საპატიმრო ვადისგან. [ეს] ძალიან კარგად აშიშვლებს იმ მეთოდებს და ხერხებს, რომლებსაც იყენებს სააკაშვილი და იყენებენ მისი გულშემატკივრები და ოჯახის წევრები, იმისთვის რომ როგორმე ციხიდან დაიხსნან“, - განაცხადა ცაგარეიშვილმა.
„ვივამედის“ ექიმებმა მსჯავრდებული სააკაშვილის ულტიმატუმი გაახმოვანეს: ექსპრეზიდენტი ჭამას იმ შემთხვევაში დაიწყებს, თუ გარემოს შეიცვლის. პატიმარმა ექსპრეზიდენტმა მკურნალობის პროცესს მკვლელობის სპეცოპერაცია უწოდა, რომლის მონაწილედ, პარლამენტარებს, ჟურნალისტებსა და კლინიკას ასახელებს.
