ეროვნულ სასწავლო ცენტრ „კრწანისში“ ქართველ ინსტრუქტორთა გადამზადების პროგრამა დასრულდა. გადამზადებულ ინსტრუქტორებს კურსის დამადასტურებელი სერთიფიკატები გადაეცათ.
პროგრამის ფარგლებში ოთხი სასწავლო პროგრამა განხორციელდა: უმცროს ოფიცერთა მომზადების, მცირე ქვედანაყოფის ლიდერის, საბრძოლო მონადირისა და ფორმალური ინსტრუქტორის კურსები.
ქართველ ინსტრუქტორთა გადამზადების პროგრამა ISAF-ის პროგრამის ფარგლებში ამერიკელი საზღვაო ქვეითების დახმარებით პირველად განხორციელდა.
სამხედროთა ჯგუფი გადამზადების შემდეგ ეროვნულ სასწავლო ცენტრში მივლენილ სამხედრო მოსამსახურეებს გაწვრთნიან.
