სერიალ „სამეფო კარის თამაშების“ ვარსკვლავები კიტ ჰარინგტონი და როუზ ლესლი მეორე შვილს ელოდებიან. ამის შესახებ People-ი წერს.
გამოცემის ინფორმაციით, 36 წლის ჰარინგტონმა სასიხარულო ამბავი „ჯიმი ფელონის საღამოს შოუს“ სტუმრობისას გაამხილა.
ჰარინგტონი და ლესლი HBO-ს ერთ-ერთ ყველაზე ცნობილ სერიალში ერთმანეთზე შეყვარებულ ჯონ სნოუსა და იგრიტის როლებს ასრულებდნენ. მსახიობებს შორის ნამდვილი გრძნობები გაჩნდა.
2018 წელს წყვილი შოტლანდიაში დაქორწინდა. პირველი შვილი - ბიჭი, მათ 2021 წელს შეეძინათ.
