ბოსტონის ერთ-ერთ Dunkin' Donuts-ში ბენ აფლეკმა გასულს სამშაბათს იმუშავა და მომხმარებლებს ყავაც შესთავაზა. მსახიობს Dunkin' Donuts-ის უნიფორმა ეცვა, წინსაფარი ეკეთა და კეპიც ეხურა. ერთ-ერთმა მომხმარებელმა, რომელსაც ბოსტონის ფილიალში ყავის ყიდვისას ბენ აფლეკი მოემსახურა, სოციალურ ქსელში პოსტი გამოაქვეყნა. "მადლობა ბენ აფლეკს, რომელმაც ამ დილით ყავა მომიმზადა", — ვკითხულობთ პოსტში.
როგორც მოგვიანებით გაირკვა, ბენ აფლეკი Dunkin' Donuts-ის რეკლამაში გადაიღეს და მომხმარებლებს სწორედ ამიტომ ემსახურებოდა. რეკლამაში მონაწილეობა ჯენიფერ ლოპესმაც მიიღო, რომელიც მომხმარებლის როლს თამაშობს, თუმცა გადასაღები მოედნიდან მომღერლის ფოტოები ჯერ არ გავრცელებულა.
უნდა აღინიშნოს, რომ ბენ აფლეკი Dunkin' Donuts-ის ერთგული მომხმარებელია. პაპარაცების მიერ გადაღებულ არაერთ ფოტოში მსახიობს სწორედ Dunkin' Donuts-ის ყავა უჭირავს ხელში, რაც სახუმარო თემა არაერთხელ გამხდარა.
Dunkin' Donuts-ის ბოსტონის ფილიალში მომუშავე პერსონალმა აღნიშნა, რომ მსახიობთან ერთად დრო მხიარულად გაატარეს. ერთ-ერთი მომხმარებელმა კი ბენ აფლეკს "საოცრად მხიარული და მოხერხებული" უწოდა.
