ის ადამიანები, ვინც დღევანდელ დღეს საქართველოს ტერიტორიაზე არ მონაწილეობენ და იზიარებენ შობის სიხარულს და შობის მადლის გადმოსვლას ისინი არ არიან საქართველოს ავტოკეფალური სამოციქულო ეკლესიის შვილები, - ასე შეაფასა ისტორიკოსმა, სიმონ მასხარაშვილმა მდიდარი არასამთავრობო ორგანიზაციების ქმედებები, რომლებმაც ქართველ ხალხს 7 იანვარს შობის დღესასწაული არ მიულოცეს.

„მადლი, სწორედ დღეს გადმოდის საქართველოს ეკლესიის ყველა მრევლზე, იმიტომ რომ ჩვენი ავტოკეფალური ეკლესიის სამღვდელოება სწორედ დღეს ასრულებს წმინდა საიდუმლო რიტუალს“, - აღნიშნა ისტორიკოსმა.

მდიდარმა არასამთავრობო ორგანიზაციებმა მართლმადიდებლებს 7 იანვარი, ქრისტეს შობის დღესასწაული არ მიულოცეს. ეს იმ დროს, როცა 25 დეკემბერს მათ ოფიციალურ გვერდებზე ქრისტეს შობის მისალოცი არაერთი პოსტი გამოაქვეყნეს.