რა ხდის ოპრა უინფრის “განსაკუთრებულ” პიროვნებად? მათთვის, ვინც არ იცით – ოპრა უინფრი არის ამერიკელი ტელეწამყვანი, მსახიობი, პროდიუსერი, მწერალი და ფილანტროპი, როგორც Harpo Productions-ის, ასევე The Oprah Winfrey Network-ის თავმჯდომარე და აღმასრულებელი დირექტორი.ოპრა არის მაგალითი იმისა, თუ როგორ შეიძლება გადალახო ცხოვრებისეული დაბრკოლებები და გახდე ისტორიაში პირველი შავკანიანი მილიარდერი ქალი. ადამიანი, რომელსაც ჰქონდა ტრაგიკული ცხოვრება და არაერთხელ გამხდარა სექსუალური ძალადობის მსხვერპლი, დღეს უამრავი ადამიანის ინსპირაციის წყაროა. ოპრა ხშირად აღნიშნავდა, რომ მისთვის კრიტიკოსების აღიარებაზე მნიშვნელოვანი მისი მაყურებელი და კმაყოფილი აუდიტორია იყო. საკუთარი გადაცემის მეშვეობით ის ხშირად საუბრობდა რასობრივ დისკრიმინაციაზე, ოჯახურ ძალადობაზე, ჰომოფობიასა და ადამიანების უსაფუძვლო ჩაგვრაზე, ცნობილი ტელეწამყვანისა და მისი ერთგული მაყურებლის წარმატების საწინდარი პოზიტიური აზროვნება და მისი ძალა იყო.
ლეგენდარულმა ტელეწამყვანმა უამრავი ადამიანისცხოვრება უკეთესობისკენ შეცვალა. მან წლების განმავლობაში არაერთი გახმაურებული წიგნი გამოუშვა. წარმოგიდგენთ 30 ყველაზე გამორჩეულ „ცხოვრებისეულ გაკვეთილს“ რომელსაც 68 წლის ვარსკვლავი ადამიანებს წარმატების მისაღწევად ურჩევს.
1. გამოწვევები არის საჩუქრები, რომლებიც გვაიძულებენ მოვძებნოთ გრავიტაციის ახალი ცენტრი. არ ებრძოლოთ მათ, უბრალოდ იპოვეთ ახალი გზა ფეხზე წამოსადგომად.
2. ცხოვრებაში ერთ-ერთი ყველაზე რთულია მიხვდე რომელი ხიდი დაწვა და რომელი გადაკვეთო.
3. ყველას უნდა შენთან ერთად გასეირნება, როდესაც ლიმუზინით ხარ, მაგრამ შენ გჭირდება ადამიანი, რომელიც შენთან ერთად ავტობუსით გაისეირნებს, როდესაც ლიმუზინი გაგიფუჭდება.
4. ცხოვრებაში იღებთ იმას, რისი გამბედაობაც გაქვთ რომ მოითხოვოთ.
5. ჭეშმარიტი პატიება არის ის, როდესაც შეგიძლია თქვა: „მადლობა ამ გამოცდილებისთვის“.
6. თქვენ ვერ გახდებით ის, ვინც გსურთ, რომ იყოთ, არამედ ის, ვისიც გწამთ.
7. არ შეიძლება უბრალოდ დაჯდეთ და დაელოდოთ რა მოხდება თქვენს ცხოვრებაში.
8. ზოგჯერ კარგია დაიცვათ დისტანცია ტოქსიკური ადამიანებისგან, თუნდაც ისინი თქვენი ოჯახის წევრები იყვნენ.
9. იფიქრე როგორც დედოფალმა. დედოფალსარ ეშინია წარუმატებლობის, მარცხი კიდევერთი ნაბიჯია სიდიადემდე.
10. წარმატების მისაღწევად არ არის საჭირო ფოკუსირდეთ წარმატებაზე, არამედ პატარა ნაბიჯებზე, რომლებიც მომავალში გაგიკვლევენ გზას წარმატებამდე.
11. ყველა დროის უდიდესი აღმოჩენა არის ის, რომ ადამიანს შეუძლია შეცვალოს თავისი მომავალი მხოლოდ საკუთარი დამოკიდებულების შეცვლით.
12. უნდა გახსოვდეთ რომ იყოთ თავაზიანი და პატივი სცეთ ყველანაირ ადამიანს, რომელსაც ცხოვრების გზაზე შეხვდებით.
13. ზოგჯერ უნდა ეცადოთ, რომ უფრო მეტად იგრძნოთ ტკივილი… ტკივილი, რომელსაც ბოლოს აუცილებლად დააფასებთ.
14. როდესაც არ აფასებთ იმას, რასაც აკეთებთ, აღარც მსოფლიო დააფასებს იმ პიროვნებას, რომელსაც თქვენ ცდილობთ, რომ გახდეთ.
15. საუკეთესოს გაკეთება აწმყო დროში გაყენებს საუკეთესო ადგილას მომავლისთვის.
16. აქციე შენი ჭრილობები შენსავე სიბრძნედ.
17. თქვენი აზროვნების შეცვლა თქვენივე ცხოვრების ცვლილების საწინდარია.
18. ენერგია, რომელსაც გასცემთ უკანვე გიბრუნდებათ.
19. ვიცი, რომ აღარასდროს მივცემ უფლებასვინმეს განსაზღვროს ჩემი შესაძლებლობები.
20. შეიძლება შეიცვალო საცხოვრებელი ადგილი, სახლი, ქალაქი. შეიძლება გადასახლდე მთვარეზე, წახვიდე დედამიწის მეორე მხარეს, მაგრამ შენი პრობლემები ყველგან წამოგყვება. ნუ ეცდები გაექცე სირთულეებს, მოაგვარე ისინი.
21. არაფერი არ მახარებს ისე, როგორც ბედნიერი ადამიანების დანახვა, რომელთაც მინიმალური დეტალებიც კი ახარებთ. ყოველთვის ვფიქრობ: „რა შემიძლია გავაკეთო რომ ადამიანები ასე გავაბედნიერო?“
22. მას, რისიც გეშინია, არ აქვს ძალა. ძალა აქვს შიშს, რასაც თქვენ განიცდით. მხოლოდ რეალობასთან თვალის გასწორება გაგათავისუფლებთ იმ შიშისგან, რომელსაც ახლა გრძნობთ.
23. ერთადერთი, რაც ვიცი, არის ის, რომ თუ აკეთებ იმ ყველაფერს, რაც გიყვარს და ამით სიამოვნებას იღებ, მაშინ ცხოვრებაში ყველაფერი თავისით მოვა.
24. ოჯახი უნდა იყოს ადგილი, სადაც შეგეძლებათ იყოთ ყველაზე სრულყოფილი და თავისუფალი.
25. არასდროს შეგეშინდეთ წამოიწყოთ რაიმე ახალი.
26. ცხოვრებაში მთავარია ზრდა და ცვლილება. როდესაც არაფერს აღარ აკეთებთ, ცხოვრებისგან მინიშნებას იგებთ, ეს არის ხმა, რომელიც გეუბნებათ, რომ გააკეთოთ რამე.
27. ყოველთვის ენდეთ თქვენს გრძნობებს, თუ ინტუიცია გკარნახობთ კის, მაშინ გადადგით ნაბიჯი და გარისკეთ, თუ გრძნობთ რომ ყველაფერი რიგზე არაა, მაშინ ნუ გააკეთებთ.
28. არასდროს ინერვიულოთ წინასწარ, ზუსტად არასდროს იცით რა მოხდება.
29. როდესაც ადამიანები ცდილობენ დაგანახონ თავიანთი ნამდვილი სახე, დაუჯერეთ…
30. საუკეთესო დრო? – რა თქმა უნდა, ახლა.
