მსოფლიოს პირველი „ჯუმანჯის“ თემატიკის პარკი გაერთიანებულ სამეფოში 2023 წელს გაიხსნება. ამის შესახებ ინფორმაციას Dailymail ავრცელებს.

„ჯუმანჯის სამყარო“, რომელიც ამავე სახელწოდების ფილმზეა დაფუძნებული, ჩესინგტონის სათავგადასავლო ცენტრში, Sony Pictures-თან პარტნიორობით, 2023 წლის გაზაფხულზე მოეწყობა. პროექტის ღირებულება 19.4 მილიონ დოლარს შეადგენს. ეს ჩესინგტონის სათავგადასავლო სამყაროს ისტორიაში ყველაზე დიდი ინვესტიციაა.

რეზორტის წარმომადგენლების თქმით, პროექტი აერთიანებს გასართობი ინდუსტრიის ექსპერტებს მთელი მსოფლიოს მასშტაბით, რადგან პირველად კეთდება ადგილი, რომელიც ღრმად გადაგიყვანს იმ სათავგადასავლო სამყაროში, რომელსაც „ჯუმანჯის“ ფილმებში ვხედავთ..

მათივე თქმით, თემატურ პარკში განთავსდება საკულტო იაგუარი, რომლის სიმაღლეც თითქმის 17 მეტრი იქნება და ის მუდმივად თვალს ადევნებს პარკის ყველა სტუმარს.

ჩესინგტონის სათავგადასავლო რეზორტის დირექტორის, ტიმ ჰარისონ ჯონსის თქმით, რა შეიძლება იყოს იმაზე დიდი ბედნიერება, ვიდრე გლობალური ჰიტის, „ჯუმანჯის“ ფილმის, რეალობად ქცევაა.

„ჩვენ ვიცით რას ნიშნავს 128 აკრზე განათავსო მაქსიმალური თავგადასავალი სტუმრებისთვის. რეზორტი უკვე სთავაზობს ყველას სიურპრიზს, ტერიტორიის ყველა კუთხეში. ადგილზე დაახლოებით 40 ატრაქციონი და ზოოპარკია, სადაც 1000-მდე გასაოცარი ცხოველი ბინადრობს. აქვე განთავსებულია ორი თემატური სასტუმრო და გლამპინგი“,- აღნიშნა ტიმ პარისო ჯონსსმა.

„ჯუმანჯის“ ფილმის ფანებს, მას შემდეგ, რაც ამდენი წელი, ფილმებით სიამოვნებისა და გართობის საშუალება ჰქონდათ, ახლა ეძლევათ შანსი „ჯუმანჯი“ ახალ დონეზე გამოსცადონ“,- განაცხადა Sony Pictures Entertainment-ის წარმომადგენელმა ჯეფრი გოდსიკმა.