უკრაინის საგარეო საქმეთა მინისტრის, დმიტრო კულებას განცხადებით, მისთვის გამოცანად რჩება, რატომ არ აწვდის გერმანია უკრაინას ტანკებს. ამის შესახებ კულებამ Frankfurter Allgemeine Zeitung-თან ინტერვიუში განაცხადა.
„ჩვენთვის ეს გამოცანაა: ახლა ვითხოვთ Leopard-ის ან Marder-ის ტიპის ტანკებს, გერმანია კი გვაწვდის Dingo-ს ტიპის ჯავშანმანქანებს. ეს ასევე სასარგებლოა და მადლობას ვუხდით ამისთვის, მაგრამ ეს არაა ის, რაც ახლა ყველაზე მეტად გვჭირდება ბრძოლაში. რაშია პრობლემა? რატომ ვერ ვიღებთ იმას, რაც გვჭირდება და რაც გერმანიას აქვს?“ - აცხადებს კულება.
მისივე თქმით, ეს გადაწყვეტილება რაც შეიძლება სწრაფად უნდა იყოს მიღებული.
