ირაკლი ანთაძე ანთაძის თქმით, წარმომადგენლობითი დელეგაციების ვიზიტები საოკუპაციო ხაზთან უაღრესად მნიშვნელოვანია. ამის შესახებ სუსის ანალიტიკური დეპარტამენტის უფროსის მოადგილემ ოძისში განაცხადა, სადაც საერთაშორისო კონფერენცია „დიდება უკრაინას“ მონაწილეები იმყოფებოდნენ.
„უაღრესად მნიშვნელოვანია, რომ ასეთი წარმომადგენლობითი დელეგაციები სტუმრობენ საოკუპაციო ხაზს, სადაც მაღალი რანგის სტუმრებს აქვთ საშუალება საკუთარი თვალით იხილონ ადგილზე არსებული ვითარება და მიიღონ ამომწურავი ინფორმაცია ორივე ოკუპირებულ რეგიონთან დაკავშირებით და იქ არსებული მიმდინარე სიტუაციის, ასევე ზოგადი უსაფრთხოების გარემოს შესახებ“, - განაცხადა ანთაძემ.
ხვალიდან თბილისში ორდღიანი საერთაშორისო კონფერენცია „დიდება უკრაინას!” იწყება. კონფერენციის მონაწილეები სოფელ ოძისში საოკუპაციო ხაზთან იმყოფებოდნენ და ადგილზე გაეცნენ უკანონო ბორდერიზაციის პროცესს.
