ინგრედიენტები
1 ცალი დაჭრილი ხახვი
4 თავი დაკეპილი ნიორი
1 ს/კ კარაქი
3 ს/კ ფქვილი
4 ჭიქა ბულიონი
4 ჭიქა დაბალცხიმიანი რძე
340 გრამი ბროკოლის ყვავილები
1 ჩ/კ ზღვის მარილი
1/2 ჩ/კ კაიენის წიწაკა
1/4 ჩ/კ დაფქული ჯავზი
2 1/2 ჭიქა გახეხილი ჩედარი
მომზადება
გაზქურაზე საშუალო ტემპერატურაზე მოათავსეთ დიდი ქვაბი. დაუმატეთ კარაქი, ხახვი და ნიორი. თუშეთ 3–4 წუთით დარბილებამდე. შეურიეთ ფქვილი და კარგად მოურიეთ.
ჩაასხით ბულიონი (ქათმის ან ბოსტნეულის) და რძე. დაუმატეთ ბროკოლის ყვავილები, მარილი, კაიენის წიწაკა და ჯავზი. აადუღეთ, შეამცირეთ ტემპერატურა და ადუღეთ დაბალ ცეცხლზე 15 წუთით ბროკოლის დარბილებამდე.
ბოლოს შეურიეთ ყველი ჩედარი. მოურიეთ და როცა ყველი დადნება წვნიანიც გასქელდება. გადმოდგით გაზქურიდან და გემრიელად მიირთვით.
