პუბლიცისტი დავით კალანდია სოციალურ ქსელში წერს:

"დილიდან დილამდე მიდის და მოდის ინფორმაცია საქართველოს ევროკავშირში გაწევრიანების (ჯერ კანდიდატად და მერე წევრად) შესახებ.

მაგრამ მე, როგორც ერთ-ერთ უბრალოზე უბრალო მოკვდავს, მაინტერესებს ევროკავშირში გაწევრიანების არა პოლიტიკური, არამედ ეკონომიკური საკითხი.

დიახ, რასაკვირველია თუ საქართველო ევროკავშირელი გახდება და ავსტრიის, ლიხტენშტაინისა და ჰოლანდიის გვერდიგვერდ ივლის კინოსა თუ ტანცებზე, ეს მე მიხარია.

უცებ ქუჩაში საფრანგეთი რომ შეგხვდეს, თანასწორუფლებიანად დაუყვირებ:

-სხვა როგორ ხარ, ძმაო საფრანგეთო?

და საფრანგეთი რომ გვიპასუხებს:

- როგორ ვიქნები, ისე რაო...

ეს ყველაფერი სასიამოვნოა.

მაგრამ გარდა ამ წვრილმანი სიამოვნებებისა, სხვა რა სარგებლობა გვექნება? ეკონომიკას ვგულისხმობ პირველ რიგში. 

ძალიან მინდა, რომ ის, ვინც ამ საკითხზე უკვე დიდი ხანია მუშაობს, (და, როგორც ვიცი ეკონომიკისა და განვითარების სიმგრადის სამინისტროში სპეციალისტები უკვე რვა წელზე მეტია ამ საკითხს ამუშავებენ), რომელიმე ნორმალურ ტელეარხზე გამოვიდეს და ჩაგვაბაროს ანგარიში "რა ეკონომიკურ სარგებელს მოგვიტანს ევროკავშირელობა".

რაღაც პირობები გვექნება შესასრულებელი, ეს ვიცი, მაგრამ რა პირობებია?

იქნებ ისეთი პირობებია, რომელსაც ვერ შევასრულებთ?

თუმცა ქართველი ხმალს ხელს რომ იკრავს, ნებისმიერ პირობას შეასრულებს.

მოკლედ, განმარტებები მინდა, განმარტებები".