ისტორიკოსი, პროფესორი ნინო თომაძე სოციალურ ქსელში წერს: 

"მე მინდა ევროკავშირი. მე მინდა ნატო. მე მინდა ილიას გზა-ევროპა ჩემი ეროვნული იდენტობის შენარჩუნებით, რაც არ მოდის წინააღმდეგობაში არანაირ კანონთან.

მე ვარ ქართველი და ევროპელი!!!

ახლა  მცირე ამონარიდები ისტორიიდან:

XIII საუკუნეში რუსუდანს დახმარების თხოვნაზე რომის პაპმა მხოლო ლოცვა-კურთხევა გამოუგზავნა.

XV  საუკუნეში ევროპამ  ბიზანტია  თურქებს ჩაუგდო საჯიჯგნად, რამაც გამოიწვია ჩვენი სამასწლოვანი ისტორიულ-კულტურულ-მენტალური სახიჩრობა და გადაგვარება.
ამაოდ დაშვრნენ ქართველი დიპლომატები XVII-XVIII  საუკუნეეში, ამაოდ ჩაიარა სულხან-საბას ელჩობამ, ერეკლეს   ელჩობამ ავსტრიაში.

გერმანიის "პატრონაჟით" 1918 წლის ივნისის ზავით თურქეთმა წაიღო ნახევარი კავკასია.
პირველი მსოფლიო ომის მერე გამარჯვებულმა ჩერჩილმა ფეხზე დაიკიდა ლორდი კერზონის სურვილი, საქართველოდან გაიყვანა ინგლისის ჯარები, რითიც გზა გაუხსნა  ლენინს.
საქართველო გადააგდეს ვერსალის კონფერენციაზე,არ მიიღეს ერთა ლიგაში, რის გამოც ის ბოლშევიკებმა დაიპყრეს და გაასაბჭოვეს.

საქართველოს არ იღებენ ევროკავშირსა და ნატოში, სააკაშვილის "დასავლური "მმართველობის დროსაც კი 2008 წელს რუსეთმა გამოგვშიგნა და დაგვაგდო, დასავლეთის დახმარება დიდწილად ფინანსური  პაკეტით(რომელიც სააკაშვილის ჯიბეში წავიდა) და აღშფოთებით შემოიფარგლა.

სადაა ევროპა, დასავლეთი?

რა უნდა ევროპას და დასავლეთს?

დამავიწყდა... 2004 წლიდან ჩვენ გადავედით გერმანული სისტემიდან ბოლონიის კონვენციაზე, დასავლური სწავლების მეთოდებით პრაქტიკულად მოისპო აკადემიური მეცნიერება, სკოლის დირექტორებად მანდატურები ინიშნებოდნენ, განათლების საზომად უნარები და ინგლისური იქცა,რუსული ჩაანაცვლა ინგლისურმა, დაიწყო ანგლომანია,ევროინტეგრაციის ფარგლებში მთელი ქვეყანა გაივსო ანტიეროვნული მეტროპოლიის დაფინანასებული ენჯეოებით, დასავლეთის დატრენინგებული ლექტორებით, კოუჩებით,  უმცირესობებით, გენდერული თეორიებით, რომლებმაც ძირი გამოუთხარეს ისედაც გაუბედურებულ ნაომარ და ნაოხარ ქვეყანას, აქციეს რა ახალგაზრდობა იდეოლოგიზირებულ მუტანტებად.

რუსეთის კოლონიიდან  გადავიქეცით დასავლეთის მათხოვარ კოლონიად და ასეთები ვართ 32 წელია,თუმცა ჭკვიანი ხალხი ამბობს, რომ "ამ ამბავში" დასავლეთ-რუსეთი ერთ თამაშს თამაშობენ და გავლენის სფეროებს იყოფენ.

ევროპული სიკეთეებიდან დიდი მიღწევაა ვიზალიბერალიზაცია, ასევე ის, რომ   ევროპა დიდ ხეირს ნახულობს ჩვენი ემიგრანტების შრომით და ემიგრანტებიც სიამოვნებას იღებენ   მათი მოხუცების წმენდით და ხილის კრეფით.

შეკითხვა:

დამისახელეთ ქმედითი ფაქტი რუსეთის წინააღმდეგ დასავლეთის დახმარებისა...
მხოლოდ ფაქტი და არა ლირიკა ფლზ.

თორემ რუსეთი რომ ოკუპანტია და პუტინი ხუილოა მეც ვიცი და ვწერ"!