დიდუბის რაიონის გამგეობა, ცხოვრების ჯანსაღი წესის პოპულარიზაციის მიზნით, სპორტის სხვადასხვა სახეობაში რაიონულ ტურნირებს ატარებს.
ამჯერად, ზაზა ფაჩულიას სახელობის კალათბურთის მოედანზე მოყვარული კალათბურთელებისთვის ქუჩის კალათბურთის ტურნირი „დიდუბის თასი 2022“ გაიმართა.
ჩემპიონატში დიდუბელი ახალგაზრდებით დაკომპლექტებული 12 გუნდი მონაწილეობდა.
პირველი ადგილის მოპოვება გუნდმა „სკუბიმ” მოახერხა, საუკეთესო ბომბარდირი გიორგი ჯაფარიძე გახდა, საუკეთესო მოთამაშე კი - მამუკა ბაზუაშვილი.
ტურნირის მონაწილე სამი საუკეთესო გუნდი დიდუბის რაიონის გამგებელმა, ვლადიმერ ძნელაძემ და საკრებულოს დიდუბის მაჟორიტარმა დეპუტატმა, გივი ჩხარტიშვილმა თასებით, მედლებით, სიგელებითა და სპორტული მაღაზიის ვაუჩერებით დააჯილდოვეს.
