შავ ზღვაში რუსული ფრეგატი „ადმირალი მაკაროვი“ იწვის. უკრაინული მედიის ინფორმაციით, სამხედრო გემზე აფეთქება „ნეპტუნის“ ტიპის რაკეტამ გამოიწვია.
ომის 72-ე დღეს რუსული არმია უკრაინის აღმოსავლეთით გააქტიურდა. ოკუპანტები ავიადარტყმებით ზაპოროჟიეს ოლქს უტევენ, ინტენსიურად იბომბება კრამატორსკი, საჰაერო განგაშის ხმა ისმის ხერსონსა და ოდესაში.
მარიუპოლის ქარხანა „აზოვსტალიდან“ მშვიდობიანი მოსახლეობის ევაკუაცია მიმდინარეობს - ჰუმანიტარული მისიის დეტალები ჯერ უცნობია.
