ამერიკელ სამხედრო მოსამსახურეებს საქართველოს შეიარაღებული ძალების გაერთიანებული შტაბის წარმომადგენლებმა მადლობის სიგელები გადასცეს.
აშშ-ის საჰაერო ძალების ინჟინერ-მშენებელთა ჯგუფმა ვარკეთილში 166-ე საბავშვო ბაღში სარემონტო სამუშაოები განახორციელეს. ამავე პროექტის ფარგლებში ვაზიანის სამხედრო პოლიგონზე მიმდინარეობს სხვადასხვა სამშენებლო ღონისძიებები.
ამერიკელი სამხედრო ინჟინრები ვაზიანის სამხედრო ბაზაზე ქართულ-ამერიკული სამხედრო სწავლება Agile Spirit 2013-ის ფარგლებში იმყოფებოდნენ.
ჰუმანიტარული სამშენებლო სამუშაოები 6 აპრილიდან 30 აპრილის ჩათვლით განხორციელდა.
