აშშ-ის ქალაქ ლოს-ანჯელესის აეროპორტში რეპერი A$AP Rocky დააკავეს. ინფორმაციას ამის შესახებ NBC News-ი ავრცელებს.
არსებული ინფორმაციით, A$AP Rocky ლოს-ანჯელესში კერძო თვითმფრინავით ბარბადოსიდან ჩაფრინდა, სადაც თავის მეუღლესთან, მომღერალ რიანასთან ერთად ისვენებდა.
რეპერის დაკავება უკავშირდება საქმეს 2021 წლის ნოემბერში მომხდარი სროლის შესახებ. რეპერის სავარაუდო მსხვერპლი აცხადებს, რომ A$AP Rocky ორ მეგობართან ერთად მიდიოდა, შემდეგ კი მიუახლოვდა მას და სამჯერ ესროლა. მამაკაცის განცხადებით, ერთი ტყვია მას ხელში მოხვდა.
