უკრაინის პრეზიდენტის მრჩევლის მიხეილ პოდოლიაკის განცხადებით, ჰუმანიტარული კორიდორების გაუმჯობესებისთვის გარკვეული პოზიტივი შეინიშნება. ამის შესახებ პოდოლიაკმა რამდენიმე წუთის წინ, უკრაინა-რუსეთის მოლაპარაკებების მესამე რაუნდის დასრულების შემდეგ განაცხადა.
"არის მცირე დადებითი ძვრები ჰუმანიტარული კორიდორების ლოგისტიკის გაუმჯობესებისთვის. საბაზისო პოლიტიკური საკითხების, ცეცხლის შეწყვეტისა და უსაფრთხოების გარანტიისთვის კონსულტაციები გრძელდება,"- განაცხადა პოდოლიაკმა.
საომარი მოქმედებების შეწყვეტასთან დაკავშირებით პოდოლიაკმა აღნიშნა, რომ დღევანდელი შეხვედრის შემდეგ რაიმე მნიშვნელოვანი შედეგი მიღწეული არ არის.
![საქართველოს პრეზიდენტი მიხეილ ყაველაშვილი [პირველ რიგში] მსოფლიოს ლიდერებთან ერთად რომის პაპის დაკრძალვას ესწრება (ვიდეო)](https://for.ge/uploads/images/thumbs/1745658091_300052.jpg)
