ამერიკულმა The Walt Disney Company-მ განაცხადა, რომ აჩერებს თავისი წარმოების ფილმების ჩვენებას რუსეთში. შესაბამისი განცხადება კომპანიის Twitter-ზე გამოქვეყნდა.
„უკრაინაზე თავდასხმის, რომელიც არაფრით იყო პროვოცირებული და ტრაგიკული ჰუმანიტარული კრიზისის გათვალისწინებით, ვაჩერებთ რუსეთში ფილმების ჩვენებას“, - აღნიშნულია Disney-ს განცხადებაში.
ანალოგიური განცხადება გამოაქვეყნა Sony-მ.
„უკრაინაში საომარ მოქმედებების და ამით გამოწვეული გაურკვევლობისა და ჰუმანიტარული კრიზისის ფონზე რუსეთში დაგეგმილი თეატრალური ჩვენებები შევაჩერეთ“, - აღნიშნულია კომპანიის განცხადებაში.
Warner Bros.-მა კი რუსულ კინოთეატრებში „ბეტმენის“ ჩვენება გააუქმა. ფილმის პრემიერა 2 მარტს იყო დაგეგმილი.
უკრაინაში საომარი მდგომარეობაა გამოცხადებული. აშშ-მ, დიდმა ბრიტანეთმა, ევროკავშირმა, იაპონიამ, კანადამ და სხვა ქვეყნებმა რუსეთს მკაცრი სანქციები დაუწესეს. 27 თებერვალს კი უკრაინამ რუსეთის წინააღმდეგ გაეროს საერთაშორისო სასამართლოში შეიტანა სარჩელი.
