Christie's აუქციონზე ძაღლის სახლი იყიდება, რომელსაც მეტეორიტი დაეცა.
აუქციონის ვებგვერდზე გამოქვეყნებული ინფორმაციით, შემთხვევა 2019 წლის აპრილში, კოსტა-რიკაში მოხდა. გერმანულ ნაგაზ როკის ეძინა, როცა მის სახლს მეტეორიტი დაეცა. საბედნიეროდ, კოსმოსური ობიექტი ცხოველს არ მოხვედრია და ძაღლი გადარჩა.
როკის ოჯახმა ძაღლის სახლის აუქციონზე გატანა გადაწყვიტა. ამ ეტაპზე ორგანიზატორებმა დაახლოებით 60 წინადადება უკვე მიიღეს, მაქსიმალური შეთავაზებული ფასი კი 32 ათას დოლარს აღწევს. ორგანიზატორები ვარაუდობენ, რომ როკის სახლი 200-300 ათას დოლარად გაიყიდება.
ამასთან, იყიდება მეტეორიტიც, რომელიც სახლს მოხვდა. მისი სავარაუდო ფასი 60 ათასი დოლარია.
