საქართველოს პარლამენტის თავმჯდომარე, შალვა პაპუაშვილი გამოეხმაურა გავრცელებულ ინფორმაციას, რომლის თანახმადაც, სოფელ მერეთთან, საოკუპაციო ძალების წარმომადგენლებმა ბოძები დაამონტაჟეს.

„ჩვენი უსაფრთხოების რისკი სწორედ ისაა, რომ ოკუპაციის პირობებში ვართ. ჩვენი ქვეყნის 20% რუსეთის მიერაა ოკუპირებული. აქედან გამომდინარე, ეს ყოველდღიური მოვლენა, საფრთხეები და რისკებია, რომლებთანაც საქართველოს ხელისუფლებას გამკლავება უწევს. ჩვენი მთავარი მექანიზმია საერთაშორისო მხარდაჭერა, არაღიარების პოლიტიკა და რუსეთის იძულება, რომ ოკუპაცია შეწყვიტოს“, - აღნიშნა შალვა პაპუაშვილმა.

ადგილობრივების თქმით, სოფელ მერეთთან ოკუპანტები კვლავ გამოჩნდნენ - ისინი საოკუპაციო ხაზს ამაგრებენ და უკვე არსებული მავთულხლართებს მიღმა საყრდენი ბოძები დაამონტაჟეს. სუს-ის ინფორმაციით, ოკუპანტების მხრიდან ოკუპირებულ ტერიტორიაზე უკანონო ქმედების შესახებ უკვე ამოქმედდა ცხელი ხაზი და ინფორმირებულია ევროკავშირის სადამკვირვებლო მისია.