კობა და­ვი­თაშ­ვი­ლის ვაჟ­მა, თორ­ნი­კე და­ვი­თაშ­ვილ­მა კი­დევ ერთხელ ისა­უბ­რა გარ­დაც­ვლილ მა­მა­ზე და ნათ­ლი­ა­ზე - მი­ხე­ილ სა­ა­კაშ­ვილ­ზე. თორ­ნი­კე 2017 წლი­დან გერ­მა­ნი­ა­ში ცხოვ­რობს, სა­დაც სა­მე­დი­ცი­ნო ფა­კულ­ტეტ­ზე სწავ­ლობს.

კობა და­ვი­თაშ­ვი­ლის ვაჟი ჰყვე­ბა, რამ­დე­ნად მძი­მე პა­ცი­ენ­ტი იყო მამა და მისი მოვ­ლა დე­დას უწევ­და.

"მა­მას მხრის შეც­ვლა რომ სჭირ­დე­ბო­და, ვერ ახერ­ხებ­და, რად­გან პა­რა­ლი­ზე­ბუ­ლი იყო, დე­დას უწევ­და მისი გა­დაბ­რუ­ნე­ბა. მა­მას ბეხ­ტე­რე­ვის და­ა­ვა­დე­ბა ჰქონ­და, ეს იშ­ვი­ა­თი და­ა­ვა­დე­ბაა სა­ქარ­თვე­ლო­ში, თუმ­ცა გერ­მა­ნი­ა­ში მე­სა­მე ად­გილ­ზეა და­ა­ვა­დე­ბებ­ში. მას ბევ­რი კომ­პო­ნენ­ტი აქვს, ერთ-ერ­თია გე­ნე­ტი­კუ­რი მიდ­რე­კი­ლე­ბა, მაგ­რამ სჭირ­დე­ბა სტარ­ტე­რი, რათა ეს გე­ნე­ტი­კუ­რი კოდი ჩა­ირ­თოს, ერთ-ერთი ამის გა­მომ­წვე­ვი ძლი­ე­რი ტრავ­მაა. ის, რომ მამა ამას 7 ნო­ემ­ბრის ცე­მას მი­ა­წერ­და, არა რის სა­ფუძ­ველს მოკ­ლე­ბუ­ლი, არ არის გა­მო­რი­ცხუ­ლი, რომ სწო­რედ ამან გა­აქ­ტი­უ­რა ავად­მყო­ფო­ბა, მა­მას ამა­ში ვე­თან­ხმე­ბი. იმ­დე­ნად მძი­მედ იყო ნა­ცე­მი, რომ მომ­ხდა­რი უკ­ვა­ლოდ არ ჩა­ივ­ლი­და", - განაცხადა მან მაკა რაზ­მა­ძის გა­და­ცე­მა­ში "ჩაი".

თორ­ნი­კე ინ­ტერ­ვი­უ­ში ნათ­ლი­ა­ზეც ისაუბრა. მისი თქმით, იყო პე­რი­ო­დი, რო­დე­საც გა­და­ნათ­ვლა­ზეც კი ფიქ­რობ­და და ამა­ზე კი­თხვებს ოჯახ­შიც სვამ­და.

"სამ­წუ­ხა­როდ თუ სა­ბედ­ნი­ე­როდ, მი­ხე­ილ სა­ა­კაშ­ვი­ლი ჩემი ნათ­ლი­აა. ძა­ლი­ან პა­ტა­რა ვი­ყა­ვი, რო­დე­საც მომ­ნათ­ლეს. იმ­ჟა­მად მამა და სა­ა­კაშ­ვი­ლი თა­ნა­მო­აზ­რე­ე­ბი იყ­ვნენ. მამა "ნა­ცი­ო­ნა­ლუ­რი მოძ­რა­ო­ბის" ერთ-ერთი თა­ნა­დამ­ფუძ­ნე­ბე­ლია. სულ ორი ნათ­ლია მყავს, მი­ხე­ილ სა­ა­კაშ­ვი­ლით დი­დად არ ვა­მა­ყობ, კარ­გა ხნის გან­მავ­ლო­ბა­ში ვკი­თხუ­ლობ­დი, - გა­და­ნათ­ვლა არ შე­იძ­ლე­ბა - მეთ­ქი? - მე­ო­რე ნათ­ლი­ით, ნონა წო­წე­რი­ა­თი ვა­მა­ყობ, სტრას­ბურ­გში იყო წლე­ბის გან­მავ­ლო­ბა­ში მო­სა­მარ­თლე სა­ქარ­თვე­ლოს სა­ხე­ლით. მიყ­ვარს ძა­ლი­ან და დიდი სიყ­ვა­რუ­ლით მო­ვი­კი­თხავ. მე­ო­რე ნათ­ლი­ას მა­ინც არ უც­დია მა­მა­ჩე­მის მოკ­ვლა.

არ მიყ­ვარს, რო­დე­საც ადა­მი­ანს ისეთ რა­მეს აბ­რა­ლებ, რაც დამ­ტკი­ცე­ბუ­ლი არ არის. მა­მა­ჩე­მი ისე­თი ადა­მი­ა­ნი იყო ტყუ­ი­ლებს არ ლა­პა­რა­კობ­და, რად­გან მი­იჩ­ნევ­და, რომ ნათ­ლი­ა­ჩემს რა­ღაც ბრა­ლი მი­უ­ძღო­და მომ­ხდარ­ში, მაქვს მყა­რი სა­ფუძ­ვე­ლი, რომ ის მარ­თა­ლია. მი­უ­ხე­და­ვად იმი­სა, რომ მი­ხე­ილ სა­ა­კაშ­ვილს ამ ნა­წილ­ში ბრა­ლი არ აქვს წარ­დგე­ნი­ლი. მანდ ბრა­ლი და­უმ­ტკიც­და ზუ­რაბ ადე­იშ­ვილს და დე­დას­გან ვიცი, რომ მა­მას ძა­ლი­ან ეწყი­ნა, რად­გან მას დიდ პა­ტივს სცემ­და და ჭკვი­ან ადა­მი­ა­ნად მი­იჩ­ნევ­და. ჭკვი­ა­ნი ყო­ფი­ლა და ბო­რო­ტი", - დასძინა მან გადაცემაში.