ვახტანგ მეგრელიშვილი ელენე ხოშტარიას შესაძლო მოწამვლის შესახებ ირაკლი კობახიძის განცხადებას გამოეხმაურა. „გირჩის“ ლიდერი მიიჩნევს, რომ მსგავსი განცხადებები არასერიოზულად გამოიყურება.
„ეს ყველაფერი ჰგავს პოლიტიკურ ბრძოლას - არა იმას, რომ ელენე ხოშტარიას სიცოცხლე გვაღელვებს და მისი სიცოცხლის გადარჩენისთვის რამე გავაკეთოთ, არამედ კვლავ პოლიტიკურ ბრძოლას ჰგავს - როგორ დავადანაშაულოთ, გავაშავოთ კვლავ ჩვენი მოწინააღმდეგე. ეს ყველაფერი გამოიყურება საოცრად არასერიოზულად და საოცრად საშიშად“, - განაცხადა მეგრელიშვილმა.
ირაკლი კობახიძის განცხადებით, ოპოზიციის ნაწილმა მოშიმშილე ელენე ხოშტარიას მოწამვლის სცენარი განიხილა.
