საპარლამენტო უმრავლესობის წევრი ირაკლი ზარქუა დარწმუნებულია, რომ დღეს თავისუფლების მოედანზე გასამართ აქციაზე ასიათასობით ადამიანი შეიკრიბება. ამის შესახებ ზარქუამ „ქრონიკას“ განუცხადა.

„აქ დღეს შეიკრიბება 100 ათასზე მეტი ადამიანი - მე პირადად ასეთი მოლოდინი მაქვს, სადაც კიდევ ერთხელ, ეს თავისუფალი ადამიანები, შემოვუძახებთ ერთმანეთს, რომ 30 ოქტომებერს გამარჯვება ბოლომდეა მისაყვანი და ეს ხალხი, ყველა ერთად არჩევანს გააკეთებს განვითარებასა და წამებას, კვლას შორის. მარტივი არჩევეანია გასაკეთებელი, ისევე როგორც 64-დან 44 მუნიციპალიტეტში მმართველმა პარტიამ გაიმარჯვა, დარჩენილ 20-ვე მუნიციპალიტეტში ჩვენ დამაჯერებელ გამარჯვებას მოვიპოვებთ“, - განაცხადა ზარქუამ.

„ქართული ოცნების“ შემაჯამებელი საარჩევნო შეკრება - ღირსებისა და თავისუფლებისათვის დღეს თბილისში 17:00 საათზე გაიმართება.