მიხეილ სააკაშვილის საქმის გამოძიების ფარგლებში, დანაშაულის დაფარვის ბრალდებით დაკავებული მამა-შვილის ოჯახის წევრები ელგუჯა ცომაიასთან ნათესაურ კავშირს ადასტურებენ, თუმცა კატეგორიულად უარყოფენ რაიმე შეხებას მიხეილ სააკაშვილის საქართველოში ჩამოსვლასთან დაკავშირებით.
როგორც დაკავებულის მეუღლე, ვერიკო წოწორია აცხადებს, მამა-შვილს არასდროს არანაირი კომუნიკაცია არ ჰქონია სააკაშვილთან და არც პირადად იცნობენ მას.
ვერიკო წოწორია ფიქრობს, რომ გამოძიება იმის გამო დაინტერესდა მათი ოჯახით, რომ მამა-შვილი ფოთის პორტში მუშაობს და ახლო ნათესაური კავშირი აქვთ დაკავებულთან ელგუჯა ცომაიასთან. ოჯახს ობიექტური გამოძიების იმედი აქვს. მამა-შვილი 3 ოქტომბერს საკუთარი სახლიდან აიყვანეს.
ელგუჯა ცომაიას, რომლის ბინასაც მიხეილ სააკაშვილი აფარებდა თავს, აღკვეთის ღონისძიება - პატიმრობა შეეფარდა.
![ვრცელდება ვიდეო, სადაც ჩანს, როგორ ურტყამს ზვიად რატიანი ხელს პოლიციელს [video]](https://for.ge/uploads/images/thumbs/1750865324_303596.png)
