ნორვეგიის პოლიციამ კოლექციონერის სახლის ჩხრეკისას აღმოაჩინა 100-მდე არტეფაქტი, რომელიც ერაყის მთავრობის მიერ დაკარგულად იყო გამოცხადებული, - ამის შესახებ Al Jazeera წერს.
ნაპოვნია ფირფიტები ლურსმული ტექსტებით და სხვა არქეოლოგიური არტეფაქტები, რომლებიც მესოპოტამიის, დღევანდელი ერაყის ტერიტორიაზეა აღმოჩენილი.
„ისინი მნიშვნელოვანია მსოფლიოს კულტურული მემკვიდრეობისთვის“, - აღნიშნულია ნორვეგიის პოლიციის განცხადებაში.
ერაყის მთავრობა ნორვეგიისგან არტეფაქტების დაბრუნებას მოითხოვს. უცნობია, რა ვითარებაში გაიტანეს ქვეყნიდან ნივთები და როგორ აღმოჩნდა ისინი ჩრდილოეთ ევროპაში.
