ღამურა, რომელმაც ლონდონის ზოოპარკს დააღწია თავი, 2 018 კილომეტრი იფრინა და რუსეთში, ფსკოვის ოლქში აღმოჩნდა, კატამ იმსხვერპლა, - ამის შესახებ BBC წერს.
ადამიანის თითისხელა ღამურას ფრთაზე სპეციალური ნიშანი - London Zoo (ლონდონის ზოოპარკი) აღმოაჩნდა. ის ფსკოვის ოლქის ერთ-ერთ სოფელში, ადგილობრივმა, სვეტლანა ლაპინამ იპოვა და მის შესახებ დიდი ბრიტანეთის ღამურების კონსერვაციის ცენტრს აცნობა.
ირკვევა, რომ ღამურა „რეკორდსმენიცაა“ - ბრიტანეთიდან, ევროპის გავლით, ეს ყველაზე გრძელი მოგზაურობაა, რომელიც ოფიციალურად აღუწერიათ.
ღამურა (სახეობა - Nathusius' pipistrelle) სულ რაღაც 8 გრამს იწონიდა.
