ბრაზილიის ათობით ქალაქში თოვლი მოვიდა

ბრაზილიის ათობით ქალაქში თოვლი მოვიდა

ბრაზილიაში, ძირითადად, მთიან რეგიონებში, თოვლი მოვიდა. ქვეყნის სამხრეთით, მრავალმა ადამიანმა თოვლი პირველად ნახა, - წერს Deutsche Welle.

ქვეყნის უკიდურეს სამხრეთში, მხოლოდ რიუ-გრანდი-დუ-სულის შტატში, 40-ზე მეტ ქალაქში მოთოვა. ადგილობრივი ფერმერები შიშობენ, რომ საექსპორტო კულტურები, როგორიცაა ყავა, შაქრის ლერწამი და ფორთოხალი, შეიძლება, ყინვამ დააზიანოს.

ექსპერტების განცხადებით, ქვეყნის მაღალმთიან, განსაკუთრებით კი, ზღვის დონიდან 900-1900 მეტრზე მდებარე ტერიტორიებზე, თოვა არც სამომავლოდაა გამორიცხული.

„62 წლის ვარ და არასდროს მინახავს თოვლი. ენით გამოუთქმელი შეგრძნებაა, როცა ბუნების ამ სილამაზეს ხედავ“, - აცხადებს პარანას შტატში, ქალაქ კამბარაში მცხოვრები კაცი მედიასთან საუბრისას.