არ ვფიქრობთ ჩვენს კანდიდატზე. ვფიქრობთ, რომ არ ვართ მზად მერობის არჩევნების მოსაგებად. „გირჩი“ არასოდეს მოუწოდებს საკუთარ მხარდამჭერებს, სხვა პარტიას დაუჭირონ მხარი, - ამის შესახებ პარტია „გირჩის“ ერთ-ერთმა ლიდერმა, იაგო ხვიჩიამ განაცხადა.
„მე სასტიკად ვეწინააღმდეგები თბილისში საერთო კანდიდატის იდეას და რამდენი ხანია მოვუწოდებ ოპოზიციას, რომ არ გააკეთონ ეს. ვისაც შეუძლია და ჰყავს შესაფერისი კანდიდატი, ყველამ დააყენოს. ეს არის „ქართული ოცნების“ თამაში. თუ იქნება ორი კანდიდატი, ნიკა მელია და კახა კალაძე, ჩემი ღრმა რწმენით კახა კალაძე პირველივე ტურში მოიგებს არჩევნებს და მორჩება ეს ისტორია“, - განაცხადა იაგო ხვიჩიამ.
