შტორმმა და წყალდიდობის შედეგად ადიდებულმა მდინარე ენგურმა პრობლემები შექმნა ანაკლიაში, ენგურის შესართავთან. მდინარემ არსებული ნაპირსამაგრი გაანგრია.
ადგილზე მობილიზებული იყო სპეციალური ტექნიკა და სამუშაო ანაკლიაში დილიდან განახლდა. მიმდინარეობს დროებითი ნაპირსამაგრი სამუშაო, რათა მდინარემ სანაპირო ზოლზე პრობლემები არ შექმნას.
არსებულ ვითარებას ადგილზე ზუგდიდს საკრებულოს თავმჯდომარე, მამუკა წოწერია და მერის მოვალეობის შემსრულებელი, კონსტანტინე კაკავა გაეცნენ და განსახორციელებელი სამუშაო ადგილზე დაგეგმეს.
