„ეს არის ამორალური კაცი, რომელიც გუშინ საკუთარი კოლეგის სიკვდილზე ცდილობდა პოლიტიკური ქულების ჩაწერას“ - განაცხადა „ქართული ოცნების“ თავმჯდომარე ირაკლი კობახიძემ „ტვ პირველის“ დამფუძნებელზე ვატო წერეთელზე. 
როგორც კობახიძემ განაცხადა, ვატო წერეთელი ჭკვიანურად მოიქცა, როდესაც აქცენტი მეორე სიტყვაზე გააკეთა და არა პირველზე.

„მე მას ვუთხარი, რომ არის ამორალური როდესაც შემოვიდა სხდომათა დარბაზში, მან აქცენტი მეორე სიტყვაზე გააკეთა, თუმცა ძალიან ჭკვიანურად მოიქცა, როცა პირველ სიტყვაზე არ გააკეთა აქცენტი იმიტომ, რომ მისთვის მთავარი ეპითეტი არის ამორალური. ეს არის ამორალური კაცი, რომელიც გუშინ საკუთარი კოლეგის სიკვდილზე ცდილობდა პოლიტიკური ქულების ჩაწერას. ამაზე მეტი ამორალური ქმედება არ არსებობს“ - განაცხადა ირაკლი კობახიძემ. 
ტვ პირველის დამფუძნებელმა ვატო წერეთელმა დღეს განაცხადა, რომ ირაკლი კობახიძემ მას ნაბიჭვარი უწოდა.